هێزى بیركردنه‌وه مرۆڤ دواى خه‌وتن وه‌ك هه‌مان هێزى بیركردنه‌وه‌ى كه‌سانى سه‌رخۆش وایه ،ئه‌مه‌ش وه‌ك لێكۆڵینه‌وه‌یه‌كى نوێى زانستى ، زانكۆى (كۆلۆرادۆ)ى ئه‌مریكى ئاشكراى كرد .
ئه‌نجامه‌كانى ئه‌م لێكۆڵینه‌وه‌یه بۆ فه‌رمانبه‌ران وه‌ك پزیشكه‌كان گرنگه به تایبه‌تى ئه‌وانه‌ى له شه‌و دا كار ده‌كه‌ن وم ده‌بێت له گرمه‌ى خه‌و به ئاگا بێن . وا بڕیاره ئه‌نتجامه‌كانى ئه‌م لێكۆڵینه‌وه‌یه له گۆڤارێكى پزیشكى ئه‌مریكى بڵاو بكرێته‌وه . به‌شدار بووان له‌م لێكۆڵینه‌وه‌یه دا شه‌ش شه‌و چاودێرى خه‌ویان كرا ، كه شه‌وانه هه‌شت كاتژمێر ده‌خه‌وتن و پاش خه‌وتن توێژه‌ره‌وه‌كان هه‌ڵسه‌نگاندن و پشكینینى ئه‌و خه‌ویان ده‌كرد بۆ ئه‌وه‌ى بگه‌نه مه‌به‌ستى تاقیكردنه‌وه‌كه‌یان.
خۆ قوتابیش ده‌توانێت سوود له‌و تاقیكردنه‌وه‌یه وه‌ربگرێت به تایبه‌تى له رۆژانى تاقیكردنه‌وه‌دا كه هه‌رچه‌نده زووتر له‌خه‌و هه‌ڵبستێت چاكتره بۆ ئه‌وه‌ى له كاتى تاقیكردنه‌وه‌دا مێشك ته‌واو هێزو تواناى خۆى وه‌رگرتبێته‌وه.
