هەرچەندە تەمەنى مرۆڤ  بەدەستى خودایە بەڵام هەر مردنێک و نەخۆشى یەک هۆکارەکانى خۆى هەیە. لەم دوایانەدا لە دواى (19) ساڵ لە لێکۆلینەوەو تاقیکردنەوەى زانستى لە یەکێک لە زانکۆى (شیجا)ى ژاپۆنى کەیەکێکە لە زانکۆ بەناو بانگەکانى جیهان بۆ زانستە پزیشکیەکان رایانگەیاند کە خواردنى ماسى لە هەر (2-3) رۆژ جارێک پیاو لە مردن دەپارێزیت بەهۆى نەخۆشى دڵ و جەڵتەکانى مێشک بە رێژەى 30%.
لێکۆلینەوەکە کە لە ساڵانى هەشتاکان دەستى پێکرد و تیایدا (4070) پیاو و (5182) ئافرەت بەشدارییان کردبوو و هەردوو گروپ لە نێوان (2-3) رۆژ ماسیان دەرخوارد دەدرا و هەستیان بە گاریگەرىیەکى پۆزێتیف کرد لەسەر تەندروستى پیاوەکان زیاتر لە ئافرەتان.  بەڵام لەهەمان کاتددا زانایان رایانگەیاند کە زۆر خواردنى ماسى گاریگەرى نێگەتیفى دەبێتە سەر تەندروستى.